Орхон аймгийн  уулын баяжуулах “Эрдэнэт” үйлдвэр Булган аймгийн ЗДТГ-тай хамтран ажиллах гэрээний дагуу спортын талбай байгуулж өгөхөөр болсон билээ. Булган аймгийн Хутаг-Өндөр сумын ерөнхий боловсролын сургуульд 30х60  хэмжээтэй хөлбөмбөгийн талбайг байгуулахаар 194.5 сая төгрөгний хөрөнгө оруулалт шийдвэрлэгдэж, хөлбөмбөгийн талбай, 100 метрийн гүйлтийн зам бүрэн ашиглалтад орж албан ёсны нээлтийн ажиллагаа боллоо.

             Нээлтийн үйл ажиллагаанд Булган аймгийн Засаг даргын орлогч Д.Жаргалсайхан, Булган аймгийн Орхон аймаг дахь нутгийн зөвлөлийн дарга Д.Дэлгэрбаяр, сумын удирдлагууд оролцлоо. Энэхүү ажлыг Д.Ган-Эрдэнэ багш, Булган аймгийн Орхон аймаг дахь нутгийн зөвлөлийн дарга Д.Дэлгэрбаяр, аймгийн Иргэдийн хурлын төлөөлөгч Д.Жаргалсайхан, П.Лхагва-Очир нар санаачлан, хэрэгжүүлж, ажилласан байна.