Монгол Улсын оюутны аварга шалгаруулах 2023 оны тэмцээний төрөл зай, жин тус бүрд эхний гурван байр эзэлсэн баг, тамирчид, сургууль, хамт олныг хүндэт өргөмжлөл, алт, мөнгө, хүрэл медалиар шагнаж урамшуулсан билээ. Энэ удаагийн оюутны УАШТ-ий онцлог нь нэгдсэн дүнг бүх спортын төрөлд тухайн их, дээд сургуулийн баг тамирчид хүртсэн медалийн тоо, чанарыг үндэслэн гаргаж дүгнэсэн юм.

         Энэхүү үзүүлэлтээр: Нэгдүгээр байрт: 12 алт, таван мөнгө, зургаан хүрэл медаль хүртсэн Монгол Улсын Ардын багш, шинжлэх ухааны доктор, профессор Н.Ням-Осор захиралтай “Их Засаг” ОУИС тэргүүн байрыг эзлэв.

           Хоёрдугаар байрт: 10 алт, найман мөнгө, 12 хүрэл медаль хүртсэн амжилтаар шинжлэх ухааны доктор, профессор Л.Алтанцэцэг захиралтай Үндэсний БТДС удаах байрт шалгарлаа. Гуравдугаар байрт: найман алт, 10 мөнгө, зургаан хүрэл медаль хүртсэн, Монгол Улсын гавьяат багш М.Өсөхбаяр захиралтай “Мон-Алтиус” дээд сургуулийн баг орлоо.

       Дөрөвдүгээр байрт: найман алт, зургаан мөнгө, 10 хүрэл медаль хүртсэн амжилтаар Монгол Улсын Ардын багш, шинжлэх ухааны доктор, профессор Д.Бадарч захиралтай МУИС баг тамирчид шалгарлаа. Тавдугаар байрт: зургаан алт, зургаан мөнгө, долоон хүрэл медаль хүртсэн доктор, дэд профессор О.Баатарцогт захиралтай ХААИС шагналт байранд багтлаа.

          Зургаадугаар байрт: таван алт, нэг мөнгө, гурван хүрэл медаль хүртэж Ч.Сэлэнгээ захиралтай “Рояаль” ОУИС эхний зургаан байрт шалгарч алт, мөнгө, хүрэл, медаль, хүндэт өргөмжлөл, цом, үнэ бүхий зүйлээр шагнагдлаа.