Олон улсын хүүхдийн эрхийг хамгаалах өдрийг тохиолдуулан тавдугаар сарын гурав дахь долоо хоногийн ням гарагт "БАГАЧУУДЫН ХӨГЖИЛТЭЙ ГҮЙЛТ"-ийн тэмцээн болно. Тус гүйлтийг  хүүхэд хөтөлбөрийн 2022-2023 оны хичээлийн жилийн хаалтын арга хэмжээ болгож байгаа юм. "БАГАЧУУДЫН ХӨГЖИЛТЭЙ ГҮЙЛТ"-ийн бүртгэл эхэлсэн байгаа. Энэхүү гүйлтийг  “Ахиллис Монгол” олон улсын байгууллага зохион байгуулан явуулна.

           “Ахиллис Монгол” олон улсын байгууллага нь 2014 оны арванхоёрдугаар сард байгуулагдсан ба ''Биеийн тамирын хөтөлбөрүүд болон баг хамт олны уур амьсгалаар дамжуулан хөгжлийн бэрхшээлтэй хүмүүст итгэл найдвар, урам зориг, амжилт, зорьсондоо хүрэхийн амтыг мэдрүүлэх” зорилготойгоор тасралтгүй найман жил үйл ажиллагаа хэрэгжүүлж байна.