МҮОХ-ны гишүүн байгууллагуудын ерөнхий нарийн бичгийн дарга нарын сургалт семинар өчигдөр “Олимпик хаус”-т боллоо. Семинарт МҮОХ-ны ерөнхий нарийн бичгийн дарга Э.Бадар-Ууган, гүйцэтгэх зөвлөлийн гишүүн П.Буяндэлгэр, Ч.Амарсанаа болон 40 спорт холбоодын төлөөлөл оролцов. Семинарын үеэр “Улаанбаатар-2023” Зүүн Азийн залуучуудын наадам, “Бали-2023” Дэлхийн элсний наадмын сүүлийн үеийн мэдээллийг өгсөн.

            Мөн спорт дахь аюулгүй байдал, допингийн эсрэг “ADEL” алсын зайн сургалтад хэрхэн хамрагдах вэ сэдвээр холбогдох албаныхан сургалт оров. Үүнээс гадна Ханжоугийн Азийн наадмын талаарх дэлгэрэнгүй мэдээллийг спорт холбоодод өглөө. Тухайлбал, нээлт, хаалтын ёслол, бүртгэл, тээвэр, хуваарь, спортын төрөл, тамирчдын тосгон болон Монголын багийн бүрэлдэхүүн, Азийн наадамд оролцоход баг тамирчдын анхаарах зүйлс зэрэг олон төрлийн мэдээллээр спорт холбоодыг хангасан юм.