"Эрүүл мэндийн цахим гүйлт 2023" СТРАВА апплейкшн ашиглан долоо хоног амжилттай зохион байгуулагдаж өндөрлөлөө. Улсын хэмжээнд 7852 гүйлт бүртгэгдэж нийт 40271 км замыг амжилттай туулсанаас шилдэг 48 гүйгчийг шалгаруулжээ. Энэ удаагийн "Эрүүл мэндийн цахим гүйлт 2023" биеийн тамирын арга хэмжээнд пара болон ахмадын ангилал нэмж оруулсан нь 2021 оны гүйлтээс онцлог болж байгаа юм. Улаанбаатар хотод оршин суудаг гүйгчид энэ сарын 17-ны өдөр 14:00 цагаас Спортын төв ордонд ирж батламжаа гардан авна.