“Мон Алтиус” биеийн тамирын дээд сургуулийн нэгдүгээр дамжааны 30 гаруй оюутан даваа, мягмар гарагт “Олимпик хаус”-т зочилж, МҮОХ-ны ерөнхий нарийн бичгийн дарга, “Бээжин-2008” олимпын аварга Э.Бадар-Уугантай уулзалт хийлээ.

        Олимпын аварга Э.Бадар-Ууган энэ үеэр тамирчны замналаасаа хуваалцаж, тэдний сонирхсон асуултад хариулан чөлөөт ярилцлага хийв. Мөн МҮОХ-ны зүгээс оюутнуудад зориулан спорт, олимпизмын үнэт зүйлсийн тухай сургалт орлоо. Оюутнууд энэ үеэр МҮОХ-ны үйл ажиллагаатай танилцаж, олимпын музей үзэж сонирхсон юм.