Атланта-1996 зуны олимпын наадмын хүрэл медальт, Монгол Улсын гавьяат тамирчин Д.Нармандахын нэрэмжит жүдо бөхийн өсвөр үеийн олон хотын тэмцээн Эрдэнэт хотноо явагдаж өндөрлөсөн билээ. Хамрах хүрээ, чансаагаараа өсвөрийн УАШТ-ий дараа ордог уг тэмцээнд энэ жил ОХУ-ын Барнаул, Якутск хотын баг тамирчид ирж оролцсоноороо онцлог болов. Тэмцээн энэ сарын 12-14-ний өдрүүдэд Хангарьд спорт ордонд явагдсан юм.

           Монголын жүдо академи энэ удаагийн "Нармандах цом 2023" тэмцээнээс нийт зургаан мөнгө, таван хүрэл медаль хүртсэн амжилт үзүүлжээ. Тэмцээний дараа Жүдо академийн баг тамирчид “Хангарьд” спорт клуб, “One team” клуб болон ОХУ-н тамирчидтай цуг хамтарсан бэлтгэл хийсэн байна.