Монголын иогчдын холбооноос уламжлал болгон зохион байгуулдаг. Монголын иогийн фестиваль энэ сарын 21-ний ням гарагт “BlueSky” tower-т гурав дахь удаагаа зохион байгуулагдах гэж байна. Бүтэн өдрийн турш Монголын болон гадаадын шилдэг багш нар 30 гаруй төрлийн иог бясалгалын хичээл орно.

         Энэ өдөр иогийн ертөнцөөр аялахын зэрэгцээ бүх нийтэд зориулсан нарны мөргөл үнэ төлбөргүй зохион байгуулагдана. Мөн фестивалийн үеэр иог бясалгал , эрүүл мэндтэй холбоотой ном, бүтээгдэхүүний худалдаа үйлчилгээ ажиллах аж. Билет авсан хүн бүрд Монголын анхны иогийн сэтгүүл бэлэглэнэ. Фестивалийн билет МИХ-ны гишүүн иогийн төв, сургуулиуд болон ticket.mn-ээр борлуулагдаж байна.