Чөлөөт бөхийн "Центр Ази" буюу "Төв Ази" уламжлалт тэмцээн энэ амралтын өдрүүдэд 13-14-ний өдрүүдэд ОХУ-ын Тувагийн нийслэл Кизил хотод боллоо. Манай улсаас гавьяат тамирчин Б.Наранбаатар, ОУХМ Н.Лхамгармаа нарын удирдлага дор "Төв-Арж", "Алдар" спорт хороо, Баянгол, “Аваргууд академи”-ийн 10 тамирчин оролцсон байна.  Тэд нэг алт, нэг мөнгө, дөрвөн хүрэл, нийт зургаан медаль хүртжээ. Тус тэмцээний 57 кг-ын жинд Л.Мөнхболд алт, 97 кг-д Г.Түвшинтөр мөнгө, 61 кг-д Э.Энхболд, 79 кг-д Т.Дэмчигдорж, 86 кг-д Г.Даянбилэг, Н.Батбилгүүн нар хүрэл медалийн эзэн болжээ.