Монголын гимнастикийн холбооны шинэ хөгжлийн стратеги төлөвлөгөө “Гимнастик - 2042” хөгжлийн хөтөлбөрийг хэрэгжүүлэх ажлын хүрээнд спортын гимнастикийн 60 дахь удаагийн 2023 оны улсын аварга шалгаруулах тэмцээнийг зохион байгуулахаар бэлтгэл ажлыг ханган ажиллаж байна.Энэ удаагийн улсын аварга шалгаруулах тэмцээнээс шалгарсан баг тамирчид зургадугаар сард Сингапур Улсад зохион байгуулагдах Ази тивийн аварга шалгаруулах тэмцээнүүдэд оролцох Монгол Улсын шилдэг баг тамирчдыг сонгон шалгаруулна.

        Спортын гимнастикийн 60 дахь удаагийн 2023 оны улсын аварга шалгаруулах тэмцээнийг энэ сарын 20-21–ний өдрүүдэд Монголын гимнастикийн холбооны спорт цогцолборт байрлах гимнастикийн төв зааланд зохион байгуулна. Энэ сарын 16 –ны өдрийн 13:00 цагт техникийн зөвлөгөөнийг Монголын гимнастикийн холбооны спорт цогцолборт байрлах гимнастикийн төв зааланд зохион байгуулна.