2023 оны Монгол Улсын оюутны аварга шалгаруулах тэмцээний 3Х3  сагсан бөмбөгийн төрөл “УБ палас”-ын “Рояаль” спорт зааланд амжилттай зохион байгуулагдлаа. Тус тэмцээнд эмэгтэй 17 баг өрсөлдсөнөөс Р.Гантулга дасгалжуулагчтай, Б.Гэрэлмаа ахлагчтай МУИС “Шонхорууд” сагсан бөмбөгийн шигшээ түрүүлж аваргын алтан медаль хүртлээ. МУИС “Шонхорууд” эмэгтэй баг 14 хоногт гурван алтан медаль хүртсэн гайхалтай амжилт үзүүлээд байна. Оюутны лиг, залуучуудын УАШТ, 3Х3 оюутны УАШТ-ээс алтан медаль хүртсэн билээ.

           Эрэгтэй 21 баг өрсөлдсөнөөс Л.Эрдэнэпүрэв, Б.Төгөлдөр дасгалжуулагчтай, Э.Эрмүүнзаяа ахлагчтай 1-р баг мөнгөн медаль, Б.Төгөлдөр ахлагчтай 2-р баг хүрэл медаль хүртэж багийн дүнгээр тэргүүн байр эзэллээ. МУИС “Шонхорууд” эрэгтэй баг 14 хоногт нэг алт, хоёр мөнгө, хүрэл хүрэл медаль хүртсэн бахдам амжилт мөн үзүүлээд байгаа юм. Тэд оюутны лигээс мөнгө, залуучуудын УАШТ-ээс алт, 3Х3 оюутны УАШТ-ээс мөнгө, хүрэл медаль хүртсэн амжилт гаргаад байна.