Узбекистаны нийслэл Ташкентэд болж буй сонирхогчдын боксын ДАШТ-ий 63.5 кг-ын жинд хүрэл медалийн болзол хангаад буй “Жакарта-2018” Азийн наадмын мөнгө, Азийн аваргын нэг алт, нэг мөнгө, хоёр хүрэл медальт ОУХМ Баатарсүхийн Чинзориг медалийн өнгөө хувиргах тулаанаа Тажикистаны Баходур Усмоновтой хийв. Тус тулаанд манай боксчин өрсөлдөгчөө 4:1-ээр ялж финалд шалгарлаа. Ингэснээр түүний хувьд манай улсаас боксын дэлхийн хоёр дахь аварга болох үгүйгээ эзэн орон Узбекистаны Руслан Абдуллаевтай маргааш буюу ням гарагт шийдвэрлэх тулаанаа хийнэ.