Катар Улсын Доха хотод жүдо бөхийн 2023 оны ДАШТ дөрөв дэх өдрөө үргэлжлэн явагдана. Дэлхийн аваргын өнөөдрийн урьдчилсан барилдаан 15:30 цагаас эмэгтэйчүүдийн 63 кг, эрэгтэйчүүдийн 81 кг-ын жингийн хэсгийн барилдаанаар эхлэх юм. Харин финалын барилдаан орой 23:00 цагаас эхэлнэ.

         Энэ удаагийн ДАШТ-д дэлхийн 99 орны эрэгтэй 343, эмэгтэй 314, нийт 667 тамирчин хүч сорин өрсөлдөж байна. Өнөөдөр эрэгтэйчүүдийн 81 кг-ын жинд  ОУХМ Гэрэлтуяагийн Болор-Очир барилдана, эмэгтэйчүүдийн 63 кг-ын жинд манай улсаас бөх барилдахгүй. Эрэгтэйчүүдийн 81 кг-ын жинд 51 бөх байна. Манай тамирчин “D” хэсгийн нэгдүгээр тойрогт ДАШТ-ийг зохион байгуулагч эзэн орон Катарын Khali Rebahi-тай таарсан. Түүнийг ялах юм бол хоёрдугаар тойрогт Молдавын Victor Sterpy, Германы Dominic Ressel нарын хэн хожсонтой барилдана.

.