Катар Улсын Доха хотод жүдо бөхийн 2023 оны ДАШТ гурав дахь өдрөө үргэлжлэн явагдана. Дэлхийн аваргын өнөөдрийн урьдчилсан барилдаан 15:30 цагаас эмэгтэйчүүдийн 57 кг, эрэгтэйчүүдийн 73 кг-ын жингийн хэсгийн барилдаанаар эхлэх юм. Харин финалын барилдаан орой 23:00 цагаас эхэлнэ.

            Энэ удаагийн ДАШТ-д дэлхийн 99 орны эрэгтэй 343, эмэгтэй 314, нийт 667 тамирчин хүч сорин өрсөлдөж байна. Өнөөдөр эрэгтэйчүүдийн 73 кг-ын жинд Монгол Улсын гавьяат тамирчин, дэлхийн аварга Цэнд-Очирын Цогтбаатар, ОУХМ Батзаяагийн Эрдэнэбаяр, эмэгтэйчүүдийн 57 кг-ын жинд дэлхийн аваргын хүрэл медальт ОУХМ Лхагватогоогийн Энхрийлэн, ОУХМ Мөнхцэдэвийн  Ичинхорлоо нар барилдана. Эрэгтэйчүүдийн 73 кг-ын жинд 55 бөх, эмэгтэйчүүдийн 57 кг-ын жинд 50 бөх барилдах юм.

          Ц.Цогтбаатар “D” хэсгийг толгойлон барилдана. Нэгдүгээр тойрогт гоц  мөргөн, хийлсэн байгаа. Хоёрдугаар тойргийн барилдаанд Энэтхэгийн Arun Kumar, Тунисын Aleddine Ben Chakbi нарын хэн ялсантай таарна.

         Б.Эрдэнэбаяр “В” хэсгийн нэгдүгээр тойрогт Израилийн бяртай тамирчин Tohar Butbul-тай таарсан. Хэрэв түүнийг ялах юм бол хоёрдугаар тойрогт Польшийн Adam Stodolski, Болгарын Mark Hristov нарын хэн ялсантай барилдана.

     Л.Энхрийлэн “D” хэсгийн нэгдүгээр тойрогт гоц мөргөн, хийлж ялсан байгаа. Хоёрдугаар тойрогт Казахстаны Bakut Kussakbayeva, Шинэ Зеландын Qona Christie нарын хэн ялсантай таарна.

     М.Ичинхорлоо “В” хэсгийн нэгдүгээр тойрогт Тайванийн алдарт бөх Lien Cgen Ling-тэй таарсан. Хэрэв түүнийг буулган авч чадвал хоёрдугаар тойрогт Хорватын Tihea Topolovec, Гаины Mariana Esteves нарын хэн ялсантай барилдана.