Сүхбаатарын талбайд энэ сарын 7-ны өдөр “Олимпын боловсрол ба бие бялдрын хүмүүжил” сэдэвт өдөрлөгийг зохион байгуулан явууллаа. Энэ удаагийн өдөрлөгт Монгол улсын Засгийн газрын тохируулагч агентлаг Биеийн тамир, спортын улсын хороо, Монголын үндэсний олимпын хороо, Нийслэлийн биеийн тамир, спортын газар, Монголын үндэсний олимпын академи, спортын холбоо, их, дээд сургууль, ЕБС зэрэг байгууллагууд хамрагдлаа. Мөн өдөрлөгт хүүхдийн спортыг сурталчлах, дэлхийн хөнгөн атлетикийн өдөрт зориулсан буухиа тэмцээн, спортын холбоодын үйл ажиллагаа ба үзүүлэх тоглолт, төрөлжсөн сургалттай биеийн тамир, спортын дунд сургуулиудын үйл ажиллагааг таниулах ажлууд зохиогдсон байна.