Эрэгтэйчүүдийн 60 кг-ын жинд 37 жүдочин барилдах юм. Манай улсаас ОУХМ Энхтайваны Ариунболд “С” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Узбекистаны Dilshodbek  Baratov-той барилдана. Хэрэв түүнийг ялах юм бол гуравдугаар тойрогт Туркмений Aybek Omirov, Казахстаны Yeldos Smetov нарын хэн ялсантай барилдах оноолт гарчээ.

Харин эмэгтэйчүүдийн 48 кг-ын жинд 45 тамирчин барилдана. ОУХМ Ганбаатарын Наранцэцэг “D” хэсгийн нэгдүгээр тойрогт Тунисын Oumaima Bebioui-тай таарсан. Түүнийг хожвол хоёрдугаар тойрогт Австрийн Catarina Tanzer-тай барилдах юм. Гуравдугаар тойрогт Португалийн Catarina Costa-тай барилдах магадлал өндөр байна.

Энэ жингийн “В” хэсгийн нэгдүгээр тойрогт ОУХМ Бавуудоржийн Баасанхүү Чилийн Mary Dee Vargas Ley-тай барилдах юм. Түүнийг ялах юм бол хоёрдугаар тойрогт Брундийн Shignoline Kanyamuneza-тай барилдана. Хэрэв ялах юм бол гуравдугаар тойрогт Казахстаны Abiba Abuzhakynova, Израилийн Tamar Malca, Тайваний Chen Nao Lin нарын хэн ялсантай барилдах магадлалтай байна.