Хан-Уул дүүргийн Засаг даргын 2021-2024 онд хэрэгжүүлэх “Эко-эрүүл дүүрэг” үйл ажиллагааны хөтөлбөрийн ажлууд явагдаж байна. Нийтийн биеийн тамир нийгмийн эрүүл мэндийг хөгжүүлэх, хөдөлгөөний дутагдлаас сэргийлэх, байгууллагуудын хоорондын нөхөрлөлийн хүрээг тэлэх, найрсаг, халуун, дулаан харилцааг дэмжих зорилготой “Хамтдаа алхаад эрүүлжье” уриатай бямба гарагийн  алхалт боллоо. Тус дүүргийн Ахмадын хороо, 22 хорооны 200 гаруй ахмад настнууд оролцож, эрүүл агаарт алхаж, хөгжөөнт буухиа тэмцээнд авхаалж самбаагаа сорин уралдаж амралтын өдрийг эрүүл, эко аргаар биеийн дархлаагаа дэмжиж өнгөрүүллээ.