Ташкент 2023 боксын эрэгтэйчүүдийн дэлхийн аварга шалгаруулах тэмцээн Узбекстан Улсад үргэлжилж байна. Энэ удаагийн ДАШТ-ий 63.5 кг-ын жинд “Жакарта 2018” Азийн наадмын мөнгө, Азийн аварга шалгаруулах тэмцээний алт, мөнгө, хүрэл медальт ОУХМ Баатарсүхийн Чинзориг нэгдүгээр тойргийн тулаанд Австралийн Маклериг 5:0-ээр ялсан билээ. Тэгвэл хоёр дахь тулаанаа хийж Камеруны Мохамед Оумароутаг 5:0-ээр илүүрхэн ялав. Манай боксчин өнөөдөр 1/8 шигшээд Туркменистаны Хурсанд Имангулиев, Конгогийн Муламба Мбайя нарын ялсантай тулалдана.