ОХУ-ын  Буриадын Улаан-Үд хотод болж буй XXV удаагийн “Байгаль Опен” олон улсын тэмцээний 92 кг-ын жинд 23 хүртэлх насны ДАШТ-ий хүрэл медальт, насанд хүрэгчдийн Азийн аварга шалгаруулах тэмцээний хошой хүрэл медальт ОУХМ Ганбаатарын Ганхуяг алтан медаль хүртлээ. Тэрбээр шигшээ барилдаанд Кемеровогийн Иван Кирилловыг 1:1-ээр ялсан байна. Г.Ганхуяг 2019 онд тус тэмцээнээс мөнгөн медаль авч байсан бол ийнхүү дөрвөн жилийн дараа медалийн өнгөө хувиргаж алтан медалийн эзэн боллоо.