Үндэсний олимпын хороодын холбооноос (ANOC) зохион байгуулдаг дэлхийн элсний II наадам эхлэхэд 100 хоног үлдлээ. Тус наадам наймдугаар сарын 5-12-ны өдрүүдэд Индонези Улсын үзэсгэлэнт арал Балид болох бөгөөд тамирчид олимпын бус спортын 14 төрлөөр өрсөлдөх юм. Манай улсаас одоогоор 3х3 сагсан бөмбөгийн эрэгтэй, эмэгтэй баг дэлхийн элсний наадамд оролцох болзлыг биелүүлээд байгаа билээ.