Грек Улсын Родес хотноо энэ сарын 13-23-ны өдрүүдэд 2023 оны сурагчдын дэлхийн аварга шалгаруулах тэмцээн амжилттай зохион байгуулагдаж өндөрлөлөө. Тус тэмцээнд 53 орны 530 орчим тамирчид зургаан насны 12 ангилалд бүтээлч сэтгэлгээ, ур чадвараа сорин өрсөлдлөө.

Монгол Улсаас 30 тамирчин Родесийн дэвжээнд эх орноо төлөөлөн оюун ухаанаа сорьсон юм. Монгол Улсын багийн ахлагчийн үүргийг Олон улсын шатрын холбооны шүүгч Э.Номин гүйцэтгээ, дасгалжуулагч тамирчдаа бэлтгэж ажиллалаа.

Монголын шатрын холбооны ерөнхийлөгч Э.Гурванбаатар мөн Родест хүрэлцэн очсон. Манай тамирчид зургаан медаль хүртэж бахдам амжилтын буухиагаа үргэлжлүүлж Ц.Гэрэлт-Оюу, Б.Буянхишиг гэсэн хоёр шинэ дэлхийн аваргатай боллоо.

7 НАСНЫ ОХИД:

Ц.Гэрэлт-Оюу /Их мастер академи/ алтан медаль.

11 НАСНЫ ОХИД:

Б.Буянхишиг /Стейниц академи/ алтан медаль.

9 НАСНЫ ОХИД;

И.Цэлмүүн /Босоо ноён клуб/ мөнгөн медаль.

13 НАСНЫ ОХИД:

Г.Урангоо /Мончесс академи/ мөнгөн медаль.

13 НАСНЫ ХӨВГҮҮД:

Г.Тэнгүүндалай /Босоо ноён клуб/ мөнгөн медаль.

13 НАСНЫ ОХИД:

Н.Содгэрэлт /Гэгээн арвай клуб/ хүрэл медаль тус тус хүртлээ.