Уламжлал болон явагддаг “Поддубный лиг” чөлөөт бөхийн тэмцээн энэ сарын 26-ны өдөр Казахстан Улсын Алматы хотын “Балуан Шолак” аренад болно. Дөрөв дэх удаагийн “PWL”-т эмэгтэйчүүдийн 53 кг-ын жинд гавьяат тамирчин, олимп, ДАШТ-ий хүрэл медальт Бат-Очирын Болортуяа. ОХУ-ын  Дагестаны анхны эмэгтэй бөх, Европын аваргын хошой хүрэл медальт Милана Дадашеватай өрсөлдөхөөр болсон байна. Б.Болортуяа өнгөрсөн жил "PWL" анхдугаар лиг болон “Яшар Догу”-ийн нэрэмжит дэлхийн чансааны оноо олгох тэмцээний финалд түүнийг ялж түрүүлж байсан юм.