Монгол Улсын арслан, анагаах ухааны доктор, профессор, чөлөөт бөхийн ОУХМ П.Давгасүрэнгийн нэрэмжит чөлөөт бөхийн өсвөр үе, залуучуудын олон хотын тэмцээн энэ сарын 14-16-ны өдрүүдэд Төв аймгийн Батсүмбэр суманд зохион байгуулагдаж өндөрлөв.

          Тус тэмцээний нээлтийн үйл ажиллагаанд УИХ-ын гишүүн Н.Энхболд, УИХ-ын гишүүн Олимп, нийтийн биеийн тамир, спортын сайд Б.Бат-Эрдэнэ, Аймгийн иргэдийн Төлөөлөгчдийн хурлын дарга Ц.Жамбалсүрэн нар болон бусад албаны төлөөлөл оролцсон байна.

          Олон хотын энэ удаагийн тэмцээнд ОХУ-ын Буриад, БНХАУ-ын Өвөрмонгол, болон Баян-Өлгий, Дархан, Өвөрхангай, Сүхбаатар, Сэлэнгэ, Төв, Өмнөговь аймаг, “Алдар” спорт хороо, нийслэлийн Сонгино хайрхан, Чингэлтэй, Хан-Уул, Сүхбаатар, Налайх дүүргийн 31 байгууллагын 650 тамирчин оролцжээ.