Монголын спортын сэтгүүлчдийн холбоо, “Champ Media” байгууллагаас Биеийн тамир, спортын улсын хороо, Олимп нийтийн биеийн тамир, спортын үндэсний хороотой хамтран "Допинггүй ирээдүй" сургалт уулзалтыг зохион байгууллаа.

         Сургалтад спортын сэтгүүлчид, төрийн албан хаагчид, тамирчид, дасгалжуулагчид, допингийн эсрэг мэргэжилтнүүд, үндэсний бөхийн улсын цолтнууд, спортын холбоод, МУБИС-ийн спортын сэтгүүлчийн ангийн оюутнуудын төлөөлөл, МУБИС-ийн “ЖАМП” хөтөлбөрийн оюутнууд, спорт хороодын төлөөлөл оролцлоо.

      Сургалтын үеэр Монгол Улсын Засгийн газраас 2022 оны аравдугаар сарын 19-нд баталсан Допингийн эсрэг Үндэсний дүрэм, дүрмийг хэрэгжүүлэх төлөвлөгөө, допингийн хор хөнөөлийн талаар мэдээлэл сонсож, санал бодлоо солилцов.

       Уг сургалт уулзалтыг Дэлхийн допингийн эсрэг байгууллага “WADA”-гаас дэлхий даяар явуулдаг “PLAY TRUE DAY 2023” аяны хүрээнд зохион байгуулж, допингийн эсрэг дүрмийн зөрчлөөс сэргийлэхэд дуу хоолойгоо нэмэрлэсэн юм.