Засгийн газрын тохируулагч агентлаг Биеийн тамир, спортын улсын хорооны зохион байгуулж буй "Эерэг хандлага-Эрүүл нийгэм" аян үргэлжилж байна. Тус аяны хүрээнд "Степпе Арена" мөсөн өргөөнд энэ оны тавдугаар сарын 6-7-ны өдрүүдэд зохион байгуулагдах Оросын холбооны улсын уран гулгалтын тамирчдын “Мастер-класс” гала тоглолтыг "Степпе Арена ХХК"-ий дэмжлэгтэйгээр Хөвсгөл аймгийн Шинэ-Идэр сумын ерөнхий боловсролын сургуулийн нийт 20 багш, ажилтан, сурагчдад үнэ төлбөргүй үзэх эрхтэй болов. Олон улсын хүмүүнлэгийн "Teach for Mongolia" хөтөлбөрийн суралцагч, багш боксын ОУХМ Э.Ундрамд тус үнэгүй үзэх эрхийг бичгийг гардуулан өглөө.