Казахстан Улсын Астанад болж байгаа чөлөөт бөхийн тивийн аваргын тэмцээнд Монголын шигшээ баг өнөөдрийн байдлаар манай шигшээ гурван мөнгө, хоёр хүрэл медаль хүртээд байна. Өнөөдөр эрэгтэйчүүдийн 61, 74, 86, 92, 125 кг-ын жингийн барилдаан болно. Эрэгтэйчүүдийн 61 кг: Түмэнбилэгийн Түвшинтулга урьдчилсан барилдаанд Казахстан Улсын Нурболат Абдуалиевтай таарсан. Түүнийг ялах юм бол Азийн аваргын мөнгөн медальт Тажикстаны Мухамад Икромов, Азийн аваргын мөнгөн медальт, Хятадын Лю Минху хоёрын ялсантай барилдана. Энэ хэсэгт Энэтхэгийн Панкай Малик байгаа бол нөгөө талд Иран, Япон, Киргизийн бөхчүүд оржээ.

         Харин 74 кг-ын жинд   Олонбаярын Сүлдхүү эхний барилдаанаа Катар Улсын Аbdullrahman Ibrahim-тай хийнэ. Түүнийг ялахад Туркменистаны  Жумадурды Мамишов, Тажикстаны ингушетийн бөх Магомет Евлоев хоёрын ялсантай барилдана.

        Бямбасүрэнгийн Бат-Эрдэнэ 86 кг-ын жинд  Иракийн Mustafa Abdulbasit Abd-тай таарсан. Түүнийг ялах юм бол шөвгийн наймд Японы Хаято Ишигүротой  барилдах юм. Хагас шигшээд шалгарахын төлөө Б.Бат-Эрдэнийн Хятад, Ираны бөхчүүд өрсөлдөнө. Ганбаатарын Ганхуяг 92 кг-ын жинд барилдана. Манай бөх уг нь чансаагаар тэргүүлсэн ч шөвгийн наймд Ираны Арашк Мохеби, Японы Араши Ёшида хоёрын ялсантай барилдах болсон.

      Гавьяат тамирчин, дэлхийн аваргын мөнгө, хүрэл медальт Мөнхтөрийн Лхагвагэрэл 125 кг-ын жинд Хятадын Өвөр Монголын Бөх-Эрдэнэ, Иракийн Ахмед хоёрын ялсантай барилдах юм. Ялахад хагас шигшээд Туркменистаны Зыямухаммет Сапаров, 23 хүртэлх насны дэлхийн аварга Амир Реза Масуми хоёрын ялсантай өрсөлдөнө.