Малайз Улсын Куала Лумпур хотод зохиогдож буй 58 дахь удаагийн Малайзын улсын аварга шалгаруулах нээлттэй тэмцээнд Монголын баг тамирчид оролцож байна. Энэхүү тэмцээнд Америк, Орос, Сингапур, Энэтхэг, Тайланд зэрэг 12 орны оролцож байна.

            Тэмцээний хоёр дахь өдөр “Сэлэм загас” клубийн тамирчин “Орчлон” олон улсын сургуулийн есдүгээр ангийн сурагч ОУХМ Энхтөрийн Эрхэс 50 м-ийн араар даллах сэлэлтийн төрөлд 27.26 секунд цагийн  амжилтыг үзүүлэн алтан медаль хүртлээ. Мөн энэ амжилтаараа Монголын Улсын рекорд  дээд амжилтыг болон Малайзын УАШТ-ний рекорд буюу “championship record” амжилтыг шинэчилэн тогтоолоо.