Сүхбаатар дүүргийн ИТХ-ын даргын нэрэмжит сагсан бөмбөгийн аварга шалгаруулах "GLOBAL LEADERS-2023" тэмцээн боллоо. Энэ удаагийн тэмцээнийг Глобал удирдагч их сургуультай хамтран зохион байгуулсан байна. Тус тэмцээн нь энэ сарын 8-9-ний өдрүүдэд СБД-ийн ерөнхий боловсролын сургуулиудын 12 дугаар ангийн 28 багийн 100 гаруй сурагч хурд хүч, авхаалж самбаагаа сорин өрсөлджээ.

      Тэмцээний эрэгтэй төрөлд тэргүүн байрыг  В.Хоролгарав захиралтай гуравдугаар сургуулийн “Чононууд” баг, хоёрдугаар байрт Б.Наранчимэг захиралтай 45 дугаар сургуулийн баг, гуравдугаар байрт П.Түвшинтөр захиралтай МУИС-ийн “Байгаль-Эх” лицэй ахлах сургуулийн баг орсон байна.

      Харин эмэгтэй багуудаас тэргүүн байрт Р.Энхбат захиралтай нэгдүгээр сургуулийн баг,хоёрдугаар байрт А.Бадамцэцэг захиралтай Өсвөрийн зохион бүтээгчдийн лаборатори ахлах сургуулийн баг, гуравдугаар байрт В.Хоролгарав захиралтай гуравдугаар сургуулийн “Алтан-Од” баг тамирчид тус тус шалгарчээ.

     Мөн тэмцээний шилдэг дасгалжуулагчаар нэгдүгээр сургуулийн Ж.Мөнхтөгс, 45 дугаар сургуулийн П.Баасанцэрэн нар шалгарлаа.Тэмцээнд оролцсон сурагчдаас үнэ цэнэтэй тоглогч болон гарааны шилдэг тамирчдыг шалгаруулсан ба эрэгтэй шилдгүүдээр “Үнэ цэнэтэй тоглогч”-оор З.Маналсүрэн /3-р сургууль/ , “Шилдэг төвийн тоглогч”-оор  Д.Хосбаяр /3-р сургууль/, “Шилдэг холбон тоглогч”-оор Г.Мөнхжин /45-р сургууль/, “Шилдэг хамгаалагч”-аар Б.Мөнхням /3-р сургууль/, “Шилдэг хүчний довтлогч”-оор Д.Билгүүн /МУИС-ийн Байгаль эх лицей ахлах сургууль/, “Шилдэг довтлогч”-оор  Э.Сүлд /45-р сургууль/ нар шалгарсан байна.

        Эмэгтэй “Шилдэг үнэ цэнэтэй тоглогч”-оор  Г.Гэгээнтавилан /1-р сургууль/, “Шилдэ төвийн тоглогч”-оор  Б.Халиун /Өсвөрийн зохион бүтээгчдийн лаборатори ахлах сургууль/, “Шилдэг холбон тоглогч”-оор У.Халиунзаяа /3-р сургууль/, “Шилдэг хамгаалагч”-аар  Б.Золзаяа /71-р сургууль/, “Шилдэг хүчний довтлогч”-оор А.Анар /3-р сургууль/, “Шилдэг довтлогч”-оор  Н.Нандинхүсэл /1-р сургууль/ нар тодорчээ.