Баянхонгор аймаг үндэсний өв соёл, спортоороо бахархсан олон улсын хэмжээний арга хэмжээ зохион байгуулна. Монгол Улсын Засгийн газраас 2023–2025 оныг Монголд зочлох жил болгон зарласантай холбогдуулан Монгол Улсын үндэсний уламжлалт баяр наадмын эрийн гурван наадмын нэг төрөл болох үндэсний сурын төрлөөр Заг-Байдрагийн Хүрэн бэлчир хэмээх түүхэн газарт монгол туургатны “Харвуул их наадам”-ыг 2023 оны долдугаар сарын 19-21-ний өдрүүдэд зохион байгуулах гэж байна. Энэхүү арга хэмжээний хүрээнд тус аймгийн Засаг дарга Д.Мөнхсайхан тус арга хэмжээг зохион байгуулах ажлын хэсгийн зөвлөхүүдтэй уулзаж санал солилцлоо.