Чөлөөт бөхийн насанд хүрэгчдийн Ази тивийн аварга шалгаруулах тэмцээн Казахстан Улсын Астана хотноо болж байна. Тэмцээн энэ сарын 9-ний өдөр сонгомол бөхийн төрлөөр эхэлсэн юм. Харин өнөөдөр чөлөөт бөхийн тэмцээн эмэгтэйчүүдийн 50, 55, 68, 76 кг-ын жингийн барилдаанаар эхэлнэ.

         ОУХМ Цогт-Очирын Намуунцэцэг 50 кг-ын жинд эхний тойрогт “Осло 2021” ДАШТ, “Улаанбаатар 2022” Ази тивийн аварга, Японы бөх Ремина Ёшимотой учраа таарсан. Түүнийг ялах юм бол  хятадын Зичи Фенгтэй барилдана.

           Чинболдын Отгонтуяа 55 кг-ын жингийн эхний тойрогт Вьетнамын Нгуен Тин Ми Трангтай таарсан байна. Түүнийг буулган авч чадвал хагас шигшээд Казахстаны Мария Седнева, Энэтхэгийн Сито Ситогийн ялсантай мөнгөн медалийн төлөө барилдах юм.

          ОУХМ Энхсайханы Дэлгэрмаа 68 кг-ын шөвгийн наймд Энэтхэгийн Ниша Нишатай таарчээ. Түүнийг хожвол Японы Айми Ишийтэй барилдана. Г.Ариунжаргал 76 кг-ын шөвгийн наймд Японы Мизүки Нагашиматай барилдана. Ялбал хагас шигшээд БНХАУ, БНСУ, Вьетнамын аль нэгэнтэй барилдана.