Монголын волейболын холбооны 2023 оны идэрчүүдийн улсын аварга шалгаруулах тэмцээн гуравдугаар сарын 27-ноос дөрөвдүгээр сарын 3-ны өдрүүдэд  Хэнтий аймаг Чингис хотноо амжилттай болж өндөрлөсөн. Энэ удаагийн идэрчүүдийн УАШТ-д 15 аймгийн, зургаан клуб, дүүргийн 16 эмэгтэй, 16 эрэгтэй нийт 32 багийн 500 гаруй тамирчин өрсөлдсөн байна. Тус УАШТ-д Хил хамгаалах ерөнхий газрын “ Хилчин” клубийн тамирчин “Уудам монгол эдүкэйшн” дунд сургуулийн сурагч Б.Хүслэн багаараа хоёрдугаар байр эзэлж мөнгөн медаль хүртжээ. Б.Хүслэн нь тэмцээний “Шилдэг хаагч” эмэгтэй тамирчнаар шалгарч “Шилдэг цомын эзэн” болсон байна.