Монголын сагсан бөмбөгийн  үндэсний дээд лигийн  2022-23 оны улирлын плэйоффын финалын цуврал тэмцээн эхэллээ. Дэлхий дахинд  дөрөвдүгээр сарыг аутизмыг таниулах сар болгон заралсан байдаг. Энэхүү сарын хүрээнд үндэсний дээд лигийн финалын хамгийн эхний тоглолтыг нээж аутизмтай хүмүүсийн төлөөлөл төгөлдөр хуурч Б.Ерөөлт Монгол Улсын төрийн дууллыг тоглож эхлүүлэв.

       МСБХ-ны “ҮНДЭСНИЙ ДЭЭД ЛИГ”-ийн финалын цувралын эхний “Эрдэнэт Майнерс” баг энэ улирлын плэйоффт 8-0 амжилттай, харин “Тэнүүн-Өлзий Металл” баг 8-3 амжилттай байгаа. Хоёр баг энэ улиралд хоёр удаа учраа таарсан буюу хоорондын харьцаа 1:1 байгаа.  “Эрдэнэт Майнерс” баг улиралд хоёр хожигдсон. Улиралд “Тэнүүн-Өлзий Металл” болон  “Хасын Хүлэгүүд” багуудад хожигдсон юм. Хоёр багийн цувралын эхний тоглолт дөрөвдүгээр сарын 10-нд буюу өчигдөр боллоо.