Олон улсын тэшүүрийн холбооны “Sea Open Short Track Trophy” тэмцээн энэ сарын 1-2-ны өдрүүдэд Сингапурт болж өндөрлөлөө. Тус  тэмцээнд Австрали, Шинэ Зеланд, Филиппин, Энэтхэг зэрэг 11 орны 120 тамирчин оролцсон байна. Тус тэмцээнд манай тамирчид гурван насны ангилалд өрсөлдсөнөөс арван медаль хүртжээ.

       Тухайлбал, насанд хүрэгчдийн ангилалд ОУХМ Б.Гэрэлтуяа гурван алт, нэг мөнгөн медаль хүртжээ. Залуучуудын ангилалд Э.Мөнх-Эрдэнэ хоёр мөнгө, нэг хүрэл, Б.Баттулга нэг мөнгө, хоёр хүрэл медаль тус тус хүртсэн байна. Харин өсвөр насны ангиллын холимог буухиа уралдаанд  Г.Гантигмаа, М.Сувд-Эрдэнэ, С.Ганхөвсгөл, Т.Тэмүүлэн нар багаараа дөрөвдүгээр байр, Ч.Заяамандах 10 насны төрөлд алтан медаль хүртжээ.