Монгол улсын Ерөнхийлөгчийн санаачлан хэрэгжүүлж буй "Эрүүл монгол хүн үндэсний хөдөлгөөн, Биеийн тамир, спортын тухай хууль, Алсын хараа 2050" Монгол Улсын урт хугацааны хөгжлийн бодлого, Засгийн газрын 2020-2024 оны мөрийн хөтөлбөрийг хэрэгжүүлэх ажил "Цаг гаргая" аян үргэлжилж байна.

        Хан-Уул дүүргийн Засаг даргын тамгын газрын санаачлагаар энэ сарын 8-ны өдөр ХУД ЗДТГ, БТСХ, ХУД-ын явган алхалтын холбоо хамтран “Хамтдаа алхаад эрүүлжье” явган алхалтыг Чингисийн хүрээ жуулчны баазад зохион байгуулжээ.

         Уг арга хэмжээнд дүүргийн Татварын хэлтэс, Хөдөлмөр халамжийн үйлчилгээний хэлтэс, Газар зохион байгуулалтын алба, Жижиг дунд үйлдвэрлэлийг дэмжих төв, “Тохижилт үйлчилгээний төв” ОНӨААТҮГ, “Нийтлэг үйлчилгээний төв” ОНӨААТҮГ-ын нийт 100 гаруй ажилтан, албан хаагчид хамрагджээ.

         Хөгжөөнт буухиа тэмцээнд  тэргүүн байрт  Газар зохион байгуулалтын алба, хоёрдугаар байрт Тохижилт үйлчилгээний төв ОНӨААТҮГ, гуравдугаар байрт Жижиг дунд үйлдвэрлэлийг дэмжих төв тус тус шалгарсан байна.