“Эерэг хандлага- Эрүүл нийгэм” аяны “Ногоон захидал”-д Монголын гимнастикийн холбоо нэгдэж байна. Тус холбооны ерөнхий нарийн бичгийн дарга Г.Ерөөлбат : Манай холбооны хувьд шинэ хөгжлийн стратеги төлөвлөгөө “ Гимнастик-2042” хөгжлийн хөтөлбөрийг боловсруулсан.

   Мөн Олимп, нийтийн биеийн тамир спортын үндэсний хороо, Биеийн тамир спортын улсын хорооны “Эерэг хандлага-Эрүүл нийгэм” аяныг идэвхийлэн дэмжиж байгаа. Манай холбооны хувьд “Ногоон захидал” аянаар дамжуулан Хулдаасан хэвлэлийн хэрэглээг 90 хувь бууруулж байгаагаа хэлэх нь зүйтэй байх. Байгаль эхдээ хайртай, ухаалаг эко технологид суурилсан тэмцээн уралдааны заал танхим, тоног төхөөрөмж, хичээллэгчдийн эрүүл мэндийг дэмжих бодлоготой ажиллаж байна.

     Дотоодын нэг тэмцээний хулдаасан хэвлэлтэд хамгийн багадаа 300 мянган төгрөг, олон улсын нэг тэмцээнийг зохион байгуулахад хулдаасан хэвлэлт, модон каркас засалтад хамгийн багадаа 20 сая төгрөг зарцуулдгийг 90 хувь хувь хүртэл бууруулах, дахин ашигладаг технологийг дэмжиж ажиллаж байна.

    Энэхүү ажлын хүрээнд нэг жилд  дотоодын тэмцээнүүдээс таван сая төгрөг, олон улсын тэмцээний зохион байгуулалтаас 80 сая төгрөгийг хэмнэнэ. Энэ нь бидэнд эрүүл ахуй, байгаль дэлхийгээ хайрлах нөлөөллөөс гадна санхүүгийн хувь хэмнэлт болох юм.