Кураш бөхийн 2023 оны Монгол Улсын өсвөр үеийн аварга шалгаруулах тэмцээн энэ сарын 10-16-ны өдрүүдэд болно. Энэ удаагийн УАШТ ахлах, дунд, бага насны ангиллаар явагдана. Тус УАШТ-ээс Ази тивийн аварга, ДАШТ-д оролцох тамирчдыг сонгон шалгаруулж авах юм.

          Улсын аваргын ахлах насанд 2005, 2006 онд төрсөн хүүхдүүд орно. Хөвгүүд 46, 50, 55, 60, 66, 73, 81, -90, +90 кг-ын жинд, охид 44, 48, 52, 57, 63, -70, +70 кг-ын жинд барилдана. Дунд насны ангилалд  2007, 2008, 2009 онд төрсөн хүүхдүүд орно. Хөвгүүд 34, 38, 42, 46, 50, 55, 60, 66, -73, +73 кг-ын жинд, охид 44, 46, 52, 57, -63, +63 кг-ын жинд барилдах юм.

        Харин бага насны ангилалд 2010, 2011 оноос хойш төрсөн хүүхдүүд барилдах эрхтэй. Хөвгүүд 30, 34, 38, 42, 46, 50, 55, -60, +60 кг-ын жинд, охид 36, 40, 44, 48, 52, -57, +57 кг-ын жинд өрсөлдөх болно.