“Гимнастик - 2042” хөгжлийн хөтөлбөрийг хэрэгжүүлэх ажлын хүрээнд сургуулийн өмнөх нас, ерөнхий боловсрол, мэргэжил сургалт, их дээд сургуулийн оюутан, суралцагсдын бие бялдрыг гимнастикийн дасгал хөдөлгөөнөөр хөгжүүлэхийг чухалчилж байгаа билээ.

     Гимнастикийн орчин, гимнастикийн нөлөөллөөр дамжуулан бие бялдрын соёл - хүмүүжил, бие бялдрын боловсрол, сургалтын ажил, түүний чанар үр дүн, хүртээмжийг нэмэгдүүлэх, Улаанбаатар хотын шилдэг тамирчдыг шалгаруулах зорилгоор 49 дахь удаагийн уран сайхны гимнастикийн хотын аварга шалгаруулах тэмцээнийг зохион байгуулах гэж байна.

      Уран сайхны гимнастикийн хотын аварга шалгаруулах тэмцээн энэ сарын 20-21 -ний өдрүүдэд Сонгинохайрхан дүүргийн Биеийн тамир,спорт хорооны “Спортын Ордон”-д зохион байгуулах юм.