Энэ өдөр чөлөөт бөхийн Үндэсний шигшээ багийн ахлах  дасгалжуулагч Ц. Баярсайхан багш мэндэлжээ.  Дарханы чөлөөт бөхийн спортын хөгжлийг шинэ шатанд гаргаж ирсэн гавьяатан бол Монгол Улсын гавьяат дасгалжуулагч Цэндийн Баярсайхан юм.

     Ц.Баярсайхан багшийн ах Биндэръяа, Аръяа, дүү Сумъяа нар нь чамгүй сайн барилддаг байлаа. Тийм ч учраас тэр чөлөөт бөхийн спортын төлөө 30 гаруй жил тууштай зүтгэжээ. Энэ хугацаанд шавь П.Өнөрбат, Д.Отгонцэцэг нар нь дэлхийн аваргын мөнгөн медаль хүртэж, Н.Наранхүү хүрэл медальтан болсон. Харин Т.Даваахуяг, А.Алтанцэцэг нар залуучуудын дэлхийн аварга болсон билээ.Ц.Баяраа багшийн шавь нараас Монгол Улсын гавьяат тамирчин хоёр Олон улсын хэмжээний мастер цолтой 20 гаруй тамирчныг төрөн гарсан байгаа.