Тайландад дөрөвдүгээр сарын 1-нд эхэлсэн ын олон өдрийн тэмцээн зургаа өдөр үргэлжилж байгаа билээ. Тус уралдаанд нийлбэр дүнгээр тэргүүн байранд ОУХМ Б.Тэгшбаяр оржээ. Тэрбээр “Roojai” Тайландын мэргэжлийн багаас орсон юм.

      Харин“Алдар” спорт хорооны тамирчин, ОУХМ С.Жамбалжамц хоёрдугаар байранд орсон байна. Тэрбээр “Terengganu” Малайзын мэргэжлийн багаас уралдсан аж.  Ийнхүү Монголын дугуйн спортын түүхэнд цоо шинэ хуудсыг нээн “UCI 2.1” ангиллын тэмцээнд анх удаа Монгол Улсын хоёр тамирчин дараалан шилдэг байруудыг эзэлсэн байна.

          Тэгвэл өчигдөр "Монголын дугуйн холбоо"-ны төлөөллүүд БТСУХ-ны дарга О. Баттулгатай уулзаж дугуйн спортын цаашдын хөгжил, шигшээ багийн асуудлаар санал солилцлоо. Монгол Улсын дугуйн шигшээ баг нь одоогоор дөрвөн тамирчны бүрэлдэхүүнтэй бөгөөд шигшээ багийг өргөтөгсөнөөр дугуйн спортын хөгжилд их хувь нэмэр оруулна гэдгийг уулзалтын үеэр тодотгосон юм.

          Уулзалтад Биеийн тамир, спортын улсын хорооны дарга О.Баттулга, МДХ-ны Ерөнхийлөгч Н. Болдхүү, МДХ-ны Дэд Ерөнхийлөгч, УИХ-ын гишүүн Ц.Мөнхцэцэг, Ерөнхий нарийн бичгийн дарга З.Наран нар оролцлоо.