Хэнтий аймагт идэрчүүдийн волейболыг  улсын аварга шалгаруулах тэмцээн болж өндөрлөв. Тус УАШТ-д  Сэлэнгэ аймгийн Сүхбаатар сумын ЕБ-ын “Спорт” дунд сургуулийн баг амжилттай оролцож хүрэл медаль хүртжээ. Сэлэнгэ аймгийн шигшээ охидын багийн тамирчин, “Спорт” сургуулийн  арванхоёрдугаар ангийн сурагч Б.Мөнхсоёл, арваннэгдүгээр ангийн сурагч Б.Нандин-Эрдэнэ тусгай шагнал хүртсэн байна. Тус тэмцээнийн үеэр зохион байгуулагдсан “УР ЧАДВАР”-ын тэмцээний “ДАВУУЛАЛТЫН УР ЧАДВАР” төрөлд Б.Нандин-Эрдэнэ амжилттай оролцжээ. Харин “ДОВТОЛГООНЫ УР ЧАДВАР” төрөлд Б.Мөнхсоёл  тэргүүн байр эзэлжээ.