Олон улсын жүдо бөхийн холбоо (IJF)-ны календарьт багтдаг өсвөр үе, залуучуудын олон улсын тэмцээн дөрөвдүгээр сарын 7-9-ний өдрүүдэд Казахстаны Алматы хотод болно. Манай улсааc "Мон-Алтиус" ахлах сургууль, "Мон-Алтиус Цагаанбаатар" академи, "Гүрү дожо", "Winner Judo", "Шинэ бадрах" дэвжээ, "Тэмүүжин" жүдо бөхийн клубийн 28 тамирчин эх орноо төлөөлөн оролцохоор Казахстаныг зорив. Тус тэмцээнд 10 орны 302 жүдоч барилдахаар мэдүүлгээ өгөөд байна.