Турк Улсад зохиогдож байгаа жүдо бөхийн Анатальяагийн “Их дуулга” тэмцээн гурван өдөр явагдаж  өнөөдөр өндөрлөнө. Эмэгтэйчүүдийн хамгийн хүнд жин +78 кг-ын жингийн “В” хэсэгт ОУХМ Амарсайханы Адъяасүрэн хүч сорино. Энэ жинд 33 бөх бий. А.Адъяасүрэн нэгдүгээр тойрогт гоц мөргөн ялалт авсан байгаа. Хоёрдугаар тойрогт Алжирын тамирчин Sonia Asselah ялсан.

           Гуравдугаар тойрогт Хорватын Helena Vukovic-тай барилдаж, даралтаар цэвэр ялалт авав.  А.Адъяасүрэн “В” хэсгийн аваргын төлөөх хариуцлагатай барилдааныг Украины Ruslana Bulavina-тай хийж мөн л түүнийг даралтаар хожлоо. Шөвгийн дөрөвт тэмцээнийг зохион байгуулагч, дэвжээний эзэн орон Туркийн бөх Kayra Sayit-тай барилдана. Түүнийг ялах юм бол мөнгөн медалийн болзол хангаж, алтан медалийн төлөө барилдах юм.