Турк Улсад зохиогдож байгаа жүдо бөхийн Анатальяагийн “Их дуулга” тэмцээн гурван өдөр болж өнөөдөр өндөрлөнө.  Манай улсаас тэмцээний сүүлийн өдөр эрэгтэйчүүдийн 90 кг-ын жингийн “С” хэсэгт ОУХМ Гантулгын Алтанбагана хүч үзнэ. Энэ жинд 54 бөх байгаа. Г.Алтанбагана эхний тойрогт гоц мөргөн ялалт авсан. Хоёрдугаар тойрогт Сербийн Darko Brasnjovic, АНУ-ын бөх John Jayne хоёрын хэн ялсантай барилдана.

           Харин эрэгтэйчүүдийн-100 кг-ын жингийн “А” хэсэгт Батхуягийн Гончигсүрэн өрсөлдөнө. Тус жинд 40 бөх бий. Тэрбээр нэгдүгээр тойрогт хийлсэн. Хоёрдугаар тойрогт Бразилийн Leonardo Goncalves, Гүржийн Omar Sauri нарын хэн ялсантай хүч үзнэ. Одхүүгийн Цэцэнцэнгэл +100 кг-ын жингийн “А” хэсгийг толгойлон барилдана. Энэ жинд 41 бөх байгаа. О.Цэцэнцэнгэл эхний тойрогт хийлж, ялалт авсан байгаа. Хоёрдугаар тойрогт Алжирын Sofiane Mohamed Beirekaa-тай  таарсан.

        Эмэгтэйчүүдийн хамгийн хүнд жин +78 кг-ын жингийн “В” хэсэгт ОУХМ Амарсайханы Адъяасүрэн хүч сорино. Энэ жинд 33 бөх бий. А.Адъяасүрэн нэгдүгээр тойрогт гоц мөргөн ялалт авсан байгаа. Хоёрдугаар тойрогт Алжирын тамирчин Sonia Asselah-тай барилдана.