Туркийн Анаталья “Гранд слам” тэмцээний хоёр дахь өдрийн барилдаан явагдаж байна. Эмэгтэйчүүдийн 70 кг-ын жинд 44 бөх барилдаж байгаа. Манай залуу тамирчин Баярбатын Баасанжаргал “В” хэсгийн эхний тойрогт Словенийн Anka Pogacnik-т ялагдаж тэмцээнээ өндөрлөв. Тус жингийн “С” хэсэгт  Б.Ням-Эрдэнэ эхний тойргийн барилдаанд гоц мөргөн ялалт аваад байгаа. Тэрбээр хоёрдугаар тойргийн барилдаанд Узбекистаны Khurshinda Razzokberdieva-тай таарсан. Түүнийг ялах юм бол гуравдугаар тойрогт Австрийн Michaela Polleres-той барилдана.