Монголын гимнастикийн холбооны аэробик гимнастикийн техникийн хорооны баг тамирчид буюу МУБИС-ийн Биеийн тамирын сургуулийн дэргэдэх “ГЕЙНЕР” клубийн тамирчин Б.Оргилболд, Б.Энхтөгс нар дасгалжуулагч, багш ОУХМ, Олон улсын шүүгч Г.Болортулгын удирдлага дор ОХУ-ын Екатеринбург хотноо гуравдугаар сарын 26 –аас дөрөвдүгээр сарын 1-ний өдрүүдэд зохион байгуулагдаж буй “Legends Challenge Games-2023” гимнастикийн наадамд оролцож байна.

       Энэхүү наадамд Армен, Алжир, Беларусь, Израил, Казахстан, Кипр, Киргиз, БНХАУ, Сири, Узбекистан, ОХУ-ын 36 муж,  нийт 11 орны 2300 гаруй баг тамирчин насанд хүрэгчдийн ангиллаар оролцсон байгаа юм. Манай улсаас ганцаарчилсан эрэгтэй төрөлд нэг, ганцаарчилсан эмэгтэй төрлд нэг, хосын төрөлд нэг хос тамирчид оролцсон байна.

     Б.Оргилболд ганцаарчилсан эрэгтэй төрөлд 28 тамирчнаас 13 дугаар байранд, Б.Энхтөгс ганцаарчилсан эмэгтэйчүүдийн төрөлд: 99 тамирчнаас 46 дугаар байранд, Хосын төрөлд Б.Оргилболд, Б.Энхтөгс нар 19 хосоос, есдүгээр байранд урьдчилсан байдлаар шалгараад байна. Манай баг тамирчид одоо шигшээ тэмцээнд оролцох бөгөөд ОХУ-ын аваргуудтай хүч үзнэ.