Спортын гимнастикийн өсвөр үеийн ДАШТ  Турк Улсын Анталиа хотноо гуравдугаар сарын 29 –өөс дөрөвдүгээр сарын 2–ны өдрүүдэд зохион байгуулагдаж өндөрлөнө. Энэ удаагийн тэмцээнд 64 орны 300 гаруй тамирчин оролцож байгаагаас 142 нь эмэгтэй тамирчид байгаа юм.

     Манай улсын баг, тамирчид хоёр дахь удаа өсвөр үеийн ДАШТ-д оролцож байна. Монголын гимнастикийн холбооны Спортын гимнастикийн өсвөрийн эмэгтэй шигшээ багийн тамирчин Содномцэрэнгийн Намуунжаргал, түүний дасгалжуулагч спортын мастер Лхагважавын Мөнхзаяа нар амжилттай оролцож байгаа юм.

Манай тамирчин С.Намуунжаргал:

Харайлтын төрөлд 11.433 оноо,

Өндөр нам савлуурын төрөлд 8.400 оноо,

Дамжуургын төрөлд 11.566 оноо,

Чөлөөт хөдөлгөөний төрөлд 10.866 оноог тус тус аваад байна.