Анаталья “Их дуулга” тэмцээний эрэгтэйчүүдийн 66 кг-ын жинд 55 бөх барилдсан. Манай тамирчин ОУХМ Баттогтохын Эрхэмбаяр нэгдүгээр тойрогт Аргентины Kapin Adarvez-ийг, хоёрдугаар тойрогт Германы Lennart Slamberger-ийг, гуравдугаар тойрогт дэлхийн аваргын хүрэл медальт Молдавын  Denis Vieru-г, ялсан юм.

   "А" хэсгийн аваргын төлөөх барилдаанд дэлхийн аваргын хүрэл медальт Израилийн Tal Flecker-ийг ялсан. Улмаар шөвгийн дөрөвт дэлхийн аваргын хүрэл медальт Казахстаны бөх Gusman Kyrgizbayev-ийг ялж, аваргын алтан медалийн төлөөх барилдааныг Францын залуу бөх Maxime Gobert-той хийсэн. Түүнийг вазари үнэлгээгээр хожиж яваад хансаку маки-гаар торгуульж, мөнгөн медаль хүртлээ. Ийнхүү Анаталья гранд сламын эхний өдөр Монгол Улсын баг нэг мөнгө, хоёр хүрэл медаль хүртсэн амжилтаар багийн дүнгээр 85 орноос гуравдугаар байранд явна.