Олимпын таэквондогийн монголын холбооны 2023 оны өсвөр, залуучуудын улсын аварга шалгаруулах тэмцээн Дархан-Уул аймагт энэ сарын 26-28-ны өдрүүдэд зохион байгуулагдлаа. Тус УАШТ-д Өвөрхангай аймгийн П.Ээбум дасгалжуулагчтай баг тамирчид амжилттай оролцсон байна.

          Өсвөрийн  ангилалд Өвөрхангайн хүүхдүүдээс зургаан тамирчин оролцжээ. Үүнээс Э.Ананд 49 кг-ын жинд  алт, Э.Анар 37 кг-д алт, Б.Алтантүлхүүр 51 кг-д алт, П.Ану 47 кг-д хүрэл, П.Хулан 51 кг-д хүрэл медаль тус тус хүртсэн байна. Багийн дүнгээр Өвөрхангай аймаг тэргүүн байр эзэлж Б.Алтантүлхүүр “Шилдэг эмэгтэй тамирчин”-аар шалгарчээ.

           Харин залуучуудын зүүн Азийн наадмын сорил тэмцээнд +73 кг жинд Э.Цогжавхлант, -73кг жинд Н.Өлзийхишиг, А.Золжаргал 45 кг жинд тус тус эх орноо төлөөлөн оролцох эрх авсан байна.