Олон улсын олимпын хорооны тэргүүн Томас Бах Лозанна хотод болсон ОУОХ-ны Гүйцэтгэх зөвлөлийн хуралдааны үеэр ОХУ-ын тамирчдыг олон улсын тэмцээнд оролцуулахыг зөвшөөрлөө. Гэхдээ тун хатуухан болзол, нөхцөлийг хангасан тамирчид л тэмцээнд орж болох юм байна.

        Ингээд ОУОХ-ны болзлыг танилцуулъя. ОХУ, Беларусь паспорттой тамирчид зөвхөн хувийн төрөлд, улс орноо төлөөлөхгүйгээр оролцож болно. Гэхдээ ОХУ, Беларусийн паспорттой шигшээ багууд олон улсын тэмцээнд оролцохгүй.

         Украин дахь тусгай ажиллагааг идэвхтэй дэмжиж байгаа тамирчид тэмцээнд оролцохгүй. Идэвхтэй дэмжсэн албаны хүмүүсийг тэмцээнд урихгүй. ОХУ, Беларусийн хүчний байгууллагатай гэрээтэй тамирчдыг олон улсын тэмцээнд оруулахгүй.

           Оролцох эрх авсан ОХУ, Беларусын бүх тамирчид допингийн эсрэг шинжилгээнд хамрагдана. Украин дахь тусгай ажиллагаанд хамаатай ОХУ, Беларусийн Засгийн газрын гишүүд олон улсын тэмцээн үзэж, оролцох эрхгүй.