Киргизстан Улсын Бишкек хотод Дуйшенкул Шопоковын нэрэмжит сонирхогчдын боксын эрэгтэйчүүдийн олон улсын тэмцээн энэ сарын 20-25-ны өдрүүдэд  боллоо. Тус тэмцээнд нь 45 дахь удаагаа уламжлал болгон зохион байгуулагджээ.

          Энэ удаагийн тэмцээнд Монгол, Киргизстан, Казахстан, Узбекистан, Беларусь, БНСУ гэсэн зургаан орны боксчид өрсөлдсөн байна. Манай улсаас есөн тамирчин эх орноо төлөөлөн оролцож нэг алт, нэг мөнгө, хоёр хүрэл медаль хүртжээ.

         Тэмцээний +92 кг-ын жинд ОУХМ Халигийн Бекнур алтан медаль хүртэж, төрийн дууллаа эгшиглүүлсэн бол 60 кг-д ОУХМ Хархүүгийн Энх-Амар мөнгө, 54 кг-д ОУХМ Хархүүгийн Энхмандах, 57 кг-д ОУХМ Доржнямбуугийн Ганболд хүрэл медаль хүртсэн байна.